Shkarkimi i 5 kryeshefëve të policisë, Çavkov akuzon Spasovin për partizim

Sipas tij, ministri Spasovski në mënyrë joligjore  ka shkarkuar pesë kryeshefa në këtë dikaster dhe në këto vende punë janë avancuar persona të dëgjueshëm nga partia e LSDM-së. 

 

“Pa asnjë procedurë dhe arsyetim, në kundërshtim me ligjin Spasovski demonstroi dhunë politike mbi nëpunësit në Minsitrinë e Punëve të Brendshme dhe në mënyrë joligjore ka shkarkuar 5 kryeshefa.Për këtë,  në bazë të ligjit qeveritar  kam parashtruar padi në gjykatën adminsitrative për të marrë masa në kohë. Spasovski në mënyrë flagrante shkel ligjin për punë në MPB  me të cilën rregullohet sitemi i karrierës. Në mënyrë  jotransaprente dhe pa procedurë ligjore Oliver Spasovski ka emëruar pesë kryeshefa të tjere”, shprehet Zv.minsitër i Punëve të Brendshme, Mitko Çavkov.

 

Çavkov kërkon  nga gjykata administrative të sjell vendim për masat e ndërmarra për ndalesën e punës së shefave të shkarkuar si dhe aktvendim  me të cilën do t’i  ndalohet ministrit Spasovski për sistematizim të të punësuarve në mënyrë të paligjshme.

 

Vendimi i djeshëm i Spasovskit edhe njëherë demontron destruktivitetin e partisë së vet dhe punën  joligjore  mbi rregulloren  e karrierës në MPB, deklaron Çavkov.