Shpërthimi i bombolës së gazit në Draçevë, tre nga të lënduarit në gjendje kritike

Gruaja, e cila ka 60% djegie në trup, është lidhur në aparate për frymëmarrje, ndërsa dy të tjerët janë me 40% djegie. Të hospitalizuar janë edhe dy burra të cilët pësuan nga zjarri, por gjendja e tyre është relativisht e mirë. 

 

“Gjatë mëngjesit të sotëm është bërë esherotomi preventive, pra janë prerë pjesë të lëkurës te të dy pëllëmbët dhe e njëjta do të bëhet edhe te të dy pacientet tjerë. Ende mbetet kritike gjendja e pacientëve që janë në kujdesje intensive”- deklaroi një mjek.

 

Policia po kryen ekspertizë, ndërsa hetimi duhet të tregojë se si saktësisht ka shpërthyer bombola e gazit.

 

Nga ky shpërthim u shkatërrua shtëpia e familjes Beqiri, ndërsa shtatë persona morën lëndime.

 

Zjarrfikësit arritën të parandalojnë përhapjen e zjarrit në shtëpitë e tjera të fshatit.