Vonn s’njeh limite, fiton edhe supergjigantin

Ky është suksesi i 26-të i amerikanes Lindzi Vonn në këtë specialitet dhe i 73-ti në karrierën e saj, duke përmirësuar nga gara në garë rekordin e fitoreve për një skiatore. Një fitore që ngushton edhe më shumë diferencën mes Vonn dhe Gut në renditjen e përgjithshme të Kupës së Botës. 

 

Vonn, pas dy zbritjeve, dha kohën e përgjithshme 1’12”75, duke lënë pas pikërisht zviceranen Lara Gut, ndërsa në vendin e tretë u rendit skiatorja austriake Cornelia Huetter.

 

Tashmë diferenca mes Vonn dhe Gut në renditje reduktohet edhe me 20 pikë të tjera, duke bërë që gara për titullin kampion të jetë e hapur deri në fund.

 

Një formë e shkëlqyer e skiatores amerikane, që mbylli fundjavën austriake me pikë të plota. Garat e Kupës për femra do të vazhdojnë të martën sërish në Austri, këtë herë në pistën e Flachau.