Mbytet anija me emigrantë në Somaliland. 122 të vdekur

Si pasojë e fundosjes së një trageti me emigrantë ilegalë në ujërat e hapur pranë brigjeve të Somaliland-it, vend i cili njëanshëm ka shpallur pavarësinë nga Somalia, humbën jetën 122 persona. 

 

Sipas informacioneve të Ministrisë së Shëndetësisë të Somaliland-it, trageti ishte duke bartur migrantë ilegalë nga Etiopia, Eritrea dhe Somalia, nga Somalilandi në Jemen.

 

Mendohet se trageti është përmbytur për shkak të ngarkesës së tepërt.

 

Njoftohet se 75 migrantë u  shpëtuan nga roja bregdetare dhe janë dërguar në spitalet e qytetit Berbera.