Tiranë, reformat në drejtësi përplasin politikën

Ky draft vjen si kërkesë e Komisionit të Venecias dhe parashikon ndërhyrjen në 57 nene të kushtetutës. Meta deklaroi se e ka kërkuar me këmbëngulje konsensusin politik për miratimin e draftit të reformës, por demokratët e kanë refuzuar.

 

Partia Demokratike, nga ana tjetër, i përmbahet qëndrimit se drafti i qeverisë siguron kapjen e të paktën 8 institucioneve nga mazhoranca aktuale, ndërsa i vetmi draft që opozita mbështet është ai i rekomandimeve të Venecias.

 

Në draftin e reformës për drejtësi parashikohen ndryshime të mëdha në Kushtetutë, të cilat PD i cilëson si ndryshime në kurriz të institucioneve të pavarura.

 

Bëhet fjalë për mënyrën e funksionimit të Gjykatës Kushtetuese, procedurat e shkarkimit të kryeprokurorit, ngritjen e Komisionit për monitorimin e procesit të hetimit të gjyqtarëve dhe prokurorëve nga ndërkombëtarët, si dhe rolin e ministrit të Drejtësisë.