Ndalesë për autobusa në rrugën Tetovë - Kodra e Diellit

Komunikacioni në rrugët shtetërore po zhvillohet nëpër rrugë të lagështa, në disa vende me mbetje të borës, e cila mbetet në rrugë pas intervenimit të ekipeve kujdestare nga ndlrmarrja "Rrugët e Maqedonisë".

 

Nga Auto-moto lidhja e Maqedonisë informojnë se aksi rrugor Koçani-Dellçevë vërehet paraqitje e rritur e shembjeve. Kujdes të veçantë nevojitet te pjesa nga Istibanja deri te diga Kalimanc.

 

Ndalesa për automjete të rënda transportuese ka në rrugët Kriva Pallankë - vendkalimi kufitar Deve Bair, Tetovë-Kodra e Diellit, pjesa Mavrovë - Dibër, pjesa Strazhë - Kërçovë, Strugë - vendkalimi kufitar Qafë Thanë.

 

Më nuk vlen ndalesa për automjete të rënda transportuese në Preseka dhe Gjavato.

 

Ndalesë për autobusë është vendosur në aksin rrugër Tetovë - Kodra e Diellir, ndërsa për automjetet e tjera është i obligueshëm përdorimi i pajisjes dimërore.

 

LAMM rekomandon kujdes në drejtimin e automjetit, shpejtësi të adaptuar gjatë qarkullimit dhe respektim të sinjalizimit të vendosur rrugor dhe planifikim të udhëtimeve sipas kushteve të motit. 

 

Kujdes të veçantë, siç theksojnë nga  LAMM, është e nevojshme në pjesët të cilat kalojnë nëpër grykat malore, veçanërisht në akset rrugore Katllanovë - Veles, Mavrovë - Dibër - Strugë, Gostivar - Mavrovë, Demir Kapi - Udovë, Koçan - Dellçevë, Vinicë - Berovë, ku mund të paraqiten shembje të vogla të dheut./mia