Vdes mashkulli më i vjetër i botës, japonezi Yasutaro Koide, vdiq në moshën 112 vjeçare

Ai lindi më 13 mars 1903 në provincën japoneze Fukui. Ka punuar gjatë gjithë jetës si rrobaqepës në Fukui dhe në Osaka.

Para disa vitesh u shpërngul në Nagoya për të kaluar vitet e fundit të jetës në shtëpinë e vajzës së tij. Gushtin e kaluar, Koide u certifikua nga libri i rekordeve Guiness, si mashkulli më i moshuar në botë.

Në fillim të këtij muaji ai u sëmur dhe u shtrua në spital në Nagoya ku edhe sot ndërroi jetë.