Davos, fillon Forumi Botëror Ekonomik

Në këtë forum do të diskutohet për çështjet kritike me të cilat ballafaqohet bota gjatë viteve të ardhshme, përfshirë ndikimin e krizës së emigrantëve në të ardhmen e Bashkimit Evropian, luftën kundër militantëve ekstremistë, nxehjen globale, sfidat ekonomike për shkak të rënies së çmimeve të naftës dhe ngadalësimin e rritjes së shkallës ekonomike të Kinës.

 

Edhe sekretari amerikan i shtetit, John Kerry, ka arritur në Zvicër mëngjesin e sotëm, ku pritet të mbajë edhe një takim me ministrin e Jashtëm rus, Sergei Lavrov.

 

Pritet që Kerry do të kërkojë më tepër progres në zgjidhjen e konfliktit në pjesën lindore të Ukrainës ndërmjet forcave qeveritare dhe separatistëve të mbështetur nga Rusia.

 

Sekretari amerikan Kerry, po ashtu, pritet të diskutojë për procesin paqësor në Siri me ndërmjetësimin e Kombeve të Bashkuara. Bisedimet për këtë çështje fillojnë javën e ardhshme.