Dhjetë policë afganë janë vrarë nga kolegu i tyre, taleban i infiltruar

Një kryengritës taleban i cili ishte infiltruar në radhët e policisë në provincën e trazuar jugore afgane Uruzgan, sot ka vrarë dhjetë kolegët e tij.  Ky është incidenti i dytë i këtij lloji në dy javët e fundit në provincën Uruzgan.

 

Aksioni i policisë për kapjen e të dysharit është duke vazhduar.

 

Autoritetet thonë se ka të ngjarë që ai mund të ketë lidhje me talibanët.

 

Një zëdhënës i talebanëve e ka konfirmuar incidentin e sotëm dhe ka shtuar se militantët kanë marrë nën kontroll një stacion të policisë në qarkun Çinarto.

 

Mediat botërore thonë se sulmi është pjesë e fushatës dimërore të talibanëve në të gjithë vendin, pavarësisht përpjekjeve për rifillimin e bisedimeve për paqe.

 

Të ashtuquajturat sulme të brendshme, kur ushtarët ose policët afganë drejtojnë armët drejt kolegëve të tyre apo trupave ndërkombëtare, kanë qënë një problem i madh gjatë viteve kur NATO-ja ka luftuar përkrah forcave afgane.

 

Më 17 janar, nëntë policë afganë janë vrarë në provincën Uruzgan nga katër kolegë të papërgjegjegjshëm, të cilët thuhet se kanë qenë të ndikuar nga talebanët./mia