Një tjetër tragjedi emigrantësh në detin Egje

Trupat e 11 emigrantëve u gjetën sot në mëngjes nga autoritetet greke përgjatë ishullit të Samosit, në detin Egje, pas mbytjes së një varke që vinte nga brigjet turke, njoftoi roja bregdetare greke.

Sipas mediave greke, viktimat janë tre burra, një grua dhe katër fëmijë, prej të cilëve tri vajza dhe katër djem.

Ndërkohë, në det vijojnë kërkimet me dy varka lundruese, një anije të Frontex-it dhe një helikopter “Super Puma”.

“Një operacion shpëtimi po ndodh aktualisht për gjetjen e rreth 20 personave që rezultojnë të zhdukur”, sipas një prej 10 të shpëtuarve nga mbytja e kësaj varke.