Kriza politike VMRO dhe LSDM rrezikojnë anëtaresimin në BE

Analistët konsiderojnë se  zgjatja e krizes  politike po ndikon drejtpërdrejt  në rrugën euroatlantike për tu bërë anëtare  e familjes evropiane.

 

Madje nga ky prizëm, analisti Bashkim Bakiu konsideron se ngërçi politik mund të zgjasë edhe këtë verë, pasi që tek liderët liderët politik  jo vetëm që mungon serioziteti, por dhe vullneti  politik për ta zgjidhur krizën.  

 

“Në fakt shtetet  të cilat kanë status kandidat siç është Maqedonia duhet ti plotësojnë  kriteret  e ashtuquajtura kritere  të Kopenhagës që një ndër to do të thotë që të ketë institucione stabile. Me këtë që bën Maqedonia, me këtë që bëjnë partitë politike  dëshmojnë se institucionet nuk janë stabile,  dëshmojnë se demokracia nuk është funksionale dhe kjo sigurisht se do të jep imazh negative për Maqedoninë. Realisht statusin kandidat e ka që nga viti 2006  dhe ne në këtë fazë si një shtet I cili zhvillohet gradualisht kalon tranzicionin,  ndoshta ne në këtë fazë duhet të jemi në fazën e fillimit të të negociatave, por fatkeqësisht Maqedonia nuk e ka. Në qoftë se kjo situatë e tillë  ne mund të rezikojmë edhe këtë status që kemi.  Vendi do të jetë në krizë edhe këtë verë”, tha Bashkim Bakiu, analist.

 

Analisti Petar Arsovski për TVM2  thotë se tash më lojrat politike të liderëve  të VMRO-DPMNE-së dhe LSDM-së  janë bërë  aq të bajatosura dhe nuk u beson më askush, . Edhe pse sipas tij statusi i Maqedonisë në BE është i merituar, megjithatë pa lider serioz vendi nuk ka as  ska rezultatete  serioze. 

 

“Moti kohë komuniteti ndërkombëtar skenën politike maqedonase e percepton kushtimisht thënë si sjellje fëmijërore, pa ndonjë dëshir serioze për stabilizim për demokratizim stabilizim, dialog politik kështu që këto zhvillimet e fundit vetëm e konfirmon atë që deri tani kemi marr nga BE-ja. Gjithcka ka qenë e merituar, pa stabilizim serioz as nuk mund të ëndërrojm për përparim”, tha Petar Arsovski, analist.

 

Sipas analistëve është evidente se Maqedonisë nuk i intereson integrimi i vendit në BE, por liderët politik duhet të kenë parasysh se zvarritjet e tepruara  në të ardhmen do të kenë efekt negativ në mirëqenien e qytetarëve dhe shtetit.