Kryetari i KGJ sulmon OJQ-të dhe ekspertët, Ushkovski: Ata e nxijnë imazhin e gjyqësorit

Ai shtoi se legjislacioni i Maqedonisë i ka ndërmarrë të gjitha dokumentet ndërkombëtare të cilat i dedikohen pavarësisë së gjyqësisë dhe të gjykatësit. 

 

Për imazhin e keq të sistemit gjyqësor dhe mosbesimin në gjykata, Ushkovski akuzoi OJQ-të dhe analistët, të cilët sipas tij po e nxijnë gjyqësorin.

 

“Sigurt se perceptimi i tillë për gjyqësorin është imponuar nga të ashtuquajturit ekspertë eminentë dhe shoqata joqeveritare të qytetarëve, për të cilët e di që janë joqeveritare, por nuk e di se sa janë të pavarur”- deklaroi kryetari i Këshillit Gjyqësor, Branko Ushkovski.

 

Ai theksoi se në tërësi Këshilli Gjyqësor e ka kapacitetin e nevojshëm dhe performancat për përmbushje cilësore dhe efikase të funksionit të tij.

 

Mirëpo akuzat u hodhën poshtë nga përfaqësuesit e OJQ-ve dhe deputetët e opozitës. Sipas deputetes, Lidija Dimova, Këshilli Gjyqësor merret me çështje anësore dhe jo me problemet reale. 

 

 

Ndërkaq, ministri i Punëve të Brendshme, Oliver Spasovski, theksoi se në kërkesë të Komisionit Shtetëror Zgjedhor, MPB i ka dorëzuar të dhënat të cilat janë të nevojshme për pastrimin e listës zgjedhore.

 

Në kuadër të prioritete reformuese urgjente për Republikën e Maqedonisë, sipas Spasovskit, është edhe angazhimi për miratimin e Ligjit të ri për ndjekjen e komunikimeve.

 

Debati për prioritete reformuese urgjente për Republikën e Maqedonisë lidhur me sundimin e të drejtës dhe gjyqësinë u mbajt në Komisionin kuvendor për Çështje Evropiane.