Fatmir Besimi në “Germia hill” në Prishtinë: Integrimi në BE dhe NATO, përcaktim rajonal

Në diskutimin në konferencën në Prishtinë kushtuar sigurisë së Evropës juglindore në dritën e sfidave më të gjera rajonale, Besimi theksoi nevojën e thellimit të mëtejmë të bashkëpunimit rajonal, përforcimin e partneritetit me BE-në dhe NATO-n në mënyrë që sa më shpejtë të tejkalohen të gjitha çështjet e hapura bilaterale të cilat pengojnë apo ngadalësojnë përfundimin e proceseve të integrimit euroatlantik.

 

Kjo konferencë, sipas Besimit, është shkak i mundësisë së këmbimit të ideve dhe përvojave, si dhe sensibilizimin e opinionit rreth domethënies dhe rolit të integrimeve euroatlantike për vendet e Ballkanit Perëndimor dhe rajonit, për të cilin BE-ja paraqet aspiratë të vetme, ndërkaq NATO është qëllimi i pjesës më të madhe të tyre.

 

Vendet nga ky rajon bëjnë përpjekje të mëdha në drejtim të përafrimit në këto struktura edhe nga aspekti politik dhe ekonomik është e rëndësisë së veçantë në periudhën sa më të shpejtë të integrimit të rajonit. Në margjinat e konferencës zëvendëskryeministri Besimi u takua edhe me zëvendëskryeministrin e Kosovës, Hashim Thaçin.