Ahmeti: Institucionet të marrn përgjegjësi për të mundësuar zgjedhje korrekte e të lira

Kyetari I BDI-së Ali Ahmeti priti  në Tetovë Ambasadorin e Malit të Zi në Maqedoni, Predrag Mitroviç dhe bashkëpunëtorët e tij për të diskutuar rreth situatës aktuale politike në Maqedoni dhe  zgjedhjet e jashtëzakonshme. 

 

Ahmeti vlerësoi me këtë rast se  metodologjia për pastrimin e listës zgjedhore I jep  mundësi Komisionit Shtetëror Zgjedhor që të realizojë zgjedhje plotësisht të besueshme, fer dhe demokratike.

 

“Institucionet e vendit duhet që të ndërmarrin përgjegjësi dhe të zbatojnë obligimet e tyre ligjore për të mundësuar fushatë dhe zgjedhje të besueshme, ndërsa partitë politike dhe mediat duhet që të shmangin gjuhën e urrjejtes dhe shpifjeve për të kontribuar për një atmosferë korekte zgjedhore” , ka potencuar Ahmeti. 

 

Ai mbështet edhe  punën transparente dhe të paanshme të prokurosisë speciale, por njëkohësisht shprehu shqetësimin për rrjedhjen e qëllimshme të materialeve në duar të grupeve të krimineleve dhe falsifikatorëve . Ky rast duhet që të zbulohet tërësisht dhe të mbartet përgjegjësi e plotë ka potencuar Ahmeti.

 

Në lidhje me diskutimet mbi mediat, Ahmeti njohtoi mysafirin mbi qëndrimet e Bashkimit Demokratik për Integrim vis-à-vis propozimit të ndërmjetësit si dhe amandamentet që ka parashtruar BDI në grupet e punës.

 

Në grupet e punës, BDI ka përfaqësuar qëndrimet e mediave në gjuhën shqipe pas vendosjes së dialogut të mirëfilltë me përfaqësuesit e tyre dhe pranimit të kërkesave të tyre.