LSDM: Gruevski përmes mediave greke tenton të fsheh panikun nga përballja me qytetarët

Sipas saj Nikolla Gruevski përmes mediave greke, në mënyrë të pasuksesshme tenton ta fshehë panikun nga përballja me qytetarët në zgjedhje të lira, korrekte dhe demokratike.

LSDM-ja konsideron se prapa “termeve të buta” të Gruevskit fshihet frika nga përballja me përgjegjësinë për atë që u vodhi qytetarëve 10 vite të jetës së tyre.

Duke komentuar intervistën, LSDM shton se është e vërtetë vetëm ajo se Maqedonia nuk është e njëjtë si para dhjetë viteve, porse tani situatat janë shumë më të këqija në të gjitha fushat. 

Ekonomia është e gjunjëzuar, janë shpenzuar 630 milionë euro për përmendore, ndërsa 500 mijë qytetarë jetojnë në varfëri.

Njëherësh, Nikolla Gruevski dhe familja pasuroheshin në kurriz të qytetarëve, kriminalitetit dhe korrupsionit, thuhet në reagimin e opozitës.