Egjipt, policia vret katër terroristë në jug të Kajros

Policia kreu një operacion këtë të diel për kapjen e katër personave mjaft të rrezikshëm në një fshat në jug të kryeqytetit. Gjatë shkëmbimit të zjarrit me policinë, katër personat mbetën të vrarë në banesën ku qëndronin. 

 

Mediat vendase raportojnë se personat e vrarë kanë qenë të përfshirë në një sulm ndaj forcave të sigurisë, ku mbeti i vrarë një ushtar dhe dy policë në periferi të Kajros. Katër viktimat mendohet se kanë qenë pjesë e organizatës “Ajnad Misr” (Ushtarët e Egjiptit), të cilët kanë marrë përsipër disa sulme ndaj policisë në Kajro.