BDI raporton para qytetarëve dibranë: Realizuam premtimet, vazhdojmë punën

Kryetari i Komunës së Dibrës, Ruzhdi Lata, tha se në qytetin e Dibrës dhe në rrethinën e saj janë investuar dhe janë realizuar premtimet e dhëna para zgjedhjeve të fundit.  

 

“Është investuar në ndërtimin e shëtitores së Dibrës, në ndërtimin e godinës së gjimnazit, janë shtruar mbi 50 mijë metër katror rrugë e trotuare me pllaka begatoni, si dhe një sërë investime të tjera”- deklaroi kryetari i Komunës së Dibrës, Ruzhdi Lata.  

 

Gjatë këtij viti do të fillojë realizimi i projektit për ndërtimin e rrugës Kërçovë-Dibër, rehabilitimi i sistemit të ujitjes në Dibër, si dhe shumë projekte në infrastrukturën rrugore.

 

BDI ka filluar takimet me qytetarët, ku në mënyrë të drejtpërdrejtë raporton për punën e bërë.

 

“Në fund, në këtë drejtim, të gjitha shtabet njëkohësisht punojnë për zgjedhjet e 24 prillit, që BDI të shënojë edhe një fitore të madhe”, tha Neziri.