Padi penale për tre persona për tentimin e djeshëm për plaçkitje në Veles

Sektori për punë të brendshme në Veles në bashkëpunim me prokurorinë kompetente parashtroi padi penale kundër D.S (1982) nga fshati Buzallakovë -SO Veles, Q.A (1990) dhe A.K (1996) nga Shkupi, të dyshuar se së bashku kanë kryer vepër penale "plaçkitje".

 

MPB-ja sot njoftoi se i denoncuari i parë ka kryer një vepër penale "ndihmim në kryerjen e veprës penale", ndërsa i denoncuari i dytë është i dyshuar se ka kryer një vepër penale "mbajtje e palejuar e armëve dhe materieve shpërthyese".

 

Të denoncuarit, theksohet në kumtesë, i kanë shkaktuar Stopanska Bankës SHA-Shkup dëm material prej 4.000.000 denarë.

 

Të tre personat e denoncuar edhe paraprakisht janë denoncuar për vepra penale kundër pronës, për të cilat të denoncuarit të parë dhe të dytë u janë shqiptuar edhe dënime me burg, ndërsa të denoncuarit të tretë i janë shqiptuar masa edukative.

 

I denoncuari i dytë dhe i tretë me padi penale, do të nxjeren para prokurorit publik kompetent.

 

Ndërmerren masa për gjetjen e të denoncuarit të parë./mia