Suedi, arrestohen 14 persona planifikonin sulme në një qëndër azili

Zyrtarë te policise  raportuan se kanë gjetur thika, sopata dhe armë të tjera të ftohta në makinat me të cilat ata po lëviznin.

 

Qëndra e cila do të sulmohej ndodhej 60 kilometra në jug të Stokolmit. Autoritetet nuk kanë dhënë detaje rreth personave të arrestuar, por thanë se disa prej tyre ishin shtetas polakë që jetonin dhe punonin në Suedi.

 

Pakënaqësia ndaj emigrantëve në vend është rritur së tepërmi sidomos pas një incidenti tragjik të regjistruar në muajin janar, kur një refugjat plagosi për vdekje një vajzë e cila punonte në një qëndër azil-kërkuesish.

 

Episode të tilla kanë nxitur urrejtje edhe në rradhët e grupeve neo-naziste. Këta të fundit kanë zhvilluar protesta të ndryshme në qytetet më kryesore të Suedisë, por edhe në mbarë Europën. Ndërkohë, edhe qeveria suedeze ka pezulluar përkohësisht regjimin pa viza Schegen, në kuadër të kontrrollimit të fluksit të emigrantëve që vijnë cdo ditë.