“Postat e Maqedonisë”, fillon punë në Saraj posta e kontraktuar

Me hapjen e kësaj poste, sipas drejtorit të përgjithshëm, Fadis Rexhepi, do të plotësohen nevojat e  qytetarëve dhe bizneseve me të vetmin qëllim, që të kenë zhvillim dhe lehtësim në punën e tyre.

 

“Në bashkëpunim ‘Postat e Maqedonisë’ me Qendrën për kontroll teknik ‘Via’, sot hapim postën kontraktuese në të cilën përveç shfrytëzuesve të shërbimeve të kontrollit teknik, edhe banorët dhe bizneset e kësaj ane do të mundin pa asnjë kufizim të shfrytëzojnë shërbimet postare dhe shërbime të qarkullimit pagesor”- deklaroi drejtori i përgjithshëm i NP “Posta e Maqedonisë”, Fadis Rexhepi.

 

Rexhepi është pyetur edhe për anulimin e konkursit për punësim në “Postat e Maqedonisë”.

 

Sipas tij, arsyeja e anulimit është kushti i vendosur nga Ministria e Financave që konkursi të përfundojë në kuadër të vitit 2015, por kjo ka qenë e paarritshme për shkak se numri i konkurruesve ka qenë i shumtë.