Studeniçan–Cvetovë, 16 milion denarë nga fondet IPA për rrugën e re

Rruga e re do të jetë me gjatësi prej 3.5  kilometra dhe e njëjta është premtuar qysh në vitin 2013. Shuma e përgjithshme e investimeve të kësaj rruge kap vlerën prej 16 milion denarëve, para të cilat komuna e Studeniçanit i ka siguruar vetë nga fondet IPA.

 

“Kam premtuar në vitin 2013 se brenda këtij mandati do të mundohemi ta fillojmë. Ky projekt është me rëndësi të veçantë, pasi që bëhet shkurtimi i rrugës për 1.4. kilometër, bëhet asfaltim i rrugës prej 3.5 kilometra dhe eliminon të gjitha vështirësitë për këtë vendbanim”- deklaroi kryetari i Komunës së Studeniçanit, Azem Sadiki.

 

Banorët e Cvetovës thonë se kjo do t’ua përmirësojë jetën e tyre në këtë zonë.                  

                                                                             

“Rruga e re paraqet një moment shumë të rëndësishëm, paraqet lehtësi për jetën e përditshme të banorëve dhe paraqet mundësi të  mirë për zhvillim të mëtejshëm të fshatit tonë”- tha imami i xhamisë në Cvetovë, Sulejman Bektesh.

 

Punimet ndërtimore priten të mbarojnë brenda këtij viti.