Zjarr në ndërtesën e EVN-së në Shkup, nuk ka të lënduar, ka vetëm dëme materiale

Fatmirësisht zjarri ka shkaktuar vetëm dëme materiale, ndërsa nuk ka pësuar asnjë njeri.

 

“Fasada filloi të digjet, prej çka nuk mund të themi. E pamë një zjarr të vogël dhe ai më pas u zgjerua”- deklaroi një punëtor i ndërtimtarisë.

 

“Ne vrapuam të parët, i ulëm rrjetat dhe me aparate për shuarjen e zjarrit shpëtuam diçka. Menjëherë erdhën edhe zjarrfikësit”- tha një qytetar.

 

“Ky është shembull se sa janë të sigurta fasadat e reja nga stiropoli, përkatësisht sa janë të pasigurta”- theksoi një qytetar.

 

Pas intervenimit me gjashtë ekipe të zjarrfikësve dhe gjashtë automjete, zjarrfikësit arritën të shuajnë për një kohë të shkurtër zjarrin.

 

“Për një kohë të shkurtër zjarrin e vumë nën kontroll, përkatësisht e fikëm tërësisht. Me rëndësi është se nuk ka zjarrfikës të lënduar, nuk ka qytetarë të lënduar që punojnë në këtë objekt dhe nuk ka zgjerim të zjarrit në objekt”- deklaroi komandanti i Njësitit të Zjarrfikësve, Blagoja Menkovski.

 

Ndërtesa është në bashkëpronësi të EVN-së dhe ELEM-it. EVN është dislokuar nga kjo ndërtesë para një viti e gjysmë, ndërsa të punësuarit e ELEM-it në kohë janë evakuuar dhe nuk ka pasur të lënduar. Hetimet për shkaqet e zjarrit vazhdojnë.