Pengesat për biznes të suksesshëm në Maqedoni: Korrupsioni, pagesa morale dhe integrimet

Ky është përfundimi i studimit të tretë të klimës së biznesit në Maqedoni, e cila zbatohet nga Departamenti i Tregtisë së Ambasadës austriake në vend.

 

"Kjo është hera e tretë që pyesim komunitetin e biznesit austriak për pikëpamjet e tyre mbi situatën ekonomike në Maqedoni. Për fat të keq, një e katërta e tyre janë në përgjithësi pesimistë për vitin 2016. Çështja numër një për kompanitë austriake është stabiliteti politik dhe për këtë arsye ata e ndjekin me kujdes zhvillimin e ngjarjeve”- deklaroi atasheu tregtar i Austrisë në Maqedoni, Gerhad Shlatell. 

 

Përveç këtyre tre kushteve, biznesmenët kanë nënvizuar se ka probleme edhe në sferën e infrastrukturës, doganës, situatën ekologjike, por edhe te resurset njerëzore.

 

"2015-ta ishte një vit i vështirë për ekonominë e Maqedonisë. Rritja e GDP prej 3.5% është një tregues i mirë, madje edhe në krahasim me disa vende evropiane. Turbulenca në disa tregje ndikoi në disa biznese në Maqedoni, që çuan deri te stagnimi i tyre dhe më i keq. Prandaj është e nevojshme një strategji e mirë për të tejkaluar këtë gjendje”- tha kryetari i Këshillit të Investitorëve të Huaj, Shtefan Peter.

 

Për vitin 2016, sipas studimit të fundit, 48% e kompanive austriake presin qarkullim më të lartë në krahasim me vitin e kaluar, më shumë se 40% planifikojnë të rrisin fuqinë punëtore dhe më shumë se 30% planifikojnë të rrisin investimet.