Deti i Kinës Jugore, Kina zhvendos raketa në ishullin Yongxing

Fotot me pamje satelitore të bëra më 14 shkurt e të publikuara nga “Fox News” tregojnë që duket të jenë dy bateri me nga 8 raketahedhëse dhe një sistem radarësh të vendosur në ishullin Yongxing.

 

Tajvani, që këmbëngul se ishulli i takon atij, e konfirmoi lëvizjen e Pekinit. Por, ministri i Jashtëm kinez, Vang Yi, u tha gazetarëve se, e gjithë kjo tymnajë nuk është gjë tjetër veçse një shpikje e mediave perëndimore.

 

“Në vend që të merren me të tilla gjëra, le të përqendrohen më mirë te faret që kemi ndërtuar në detin e Kinës Jugore, të cilët janë provuar mjaft të vyer për sigurinë e anijeve që kalojnë në atë zonë”- deklaroi ministri i Jashtëm i Kinës, Vang Yi.

 

Ka reaguar edhe Japonia, e cila nuk i pranon këto lëvizje të Kinës në këtë ishull.

 

“Japonia beson se duhet një punë e përbashkët e gjithë komunitetit ndërkombëtar për të siguruar liri në navigacion dhe fluturimet mbi këtë zonë. Aktivitetet e Kinës në këtë ishull janë aktivitete për ndërtimin e bazave ushtarake dhe kjo nuk mund të pranohet”- theksoi sekretari i shtetit japonez, Yoshihide Suga.

 

Ishujt i kërkojnë edhe vendet e tjera të rajonit, ndaj militarizimi i zonës nuk premton të sjellë asgjë të mirë.