21 vjet nga ligjërata e parë në UT, Ameti: Hap vizionar për arsimin sipëror shqip

Por, shqiptarët dhe dëshira për të mësuar në gjuhën amë ishin mbi të gjitha. Më 17 shkurt 1995 u mbajt ligjërata e parë e UT-së në fsh. Poroj dhe Reçicë e vogël.

 

UT përkujtoi këtë përvjetor me një akademi solemne dhe me homazhe tek varri i  dëshmorit, Abdylselam Emini, dhe rektorit të parë të UT-së, Fadil Sulejmani.

 

“Vendimi për themelimin e Universitetit të Tetovës më 17 dhjetor 1994 ishte një hap historik i strukturave vizionare të inteligjencies shqiptare në Maqedoni me objektiva të qarta për zgjidhjen e përhershme të  çështjes së  arsimit sipëror në gjuhën shqipe. Ligjëratat e para në këtë tempull të dritës dhe diturisë filluan më 17 shkurt 1995, edhe përkundër  faktit se u mobilizuan forca të armatosura për ta vrarë dijen, shkencën, përparimin dhe ardhmërinë e shqiptarëve”- deklaroi rektori i UT-së, Vullnet Ameti.

 

Ky universitet ka një dëshmor në themelet e tij, është gjaku i Abdilselam Eminit, para sakrificës së të cilit përkulemi me nderimet më të larta, ashtu si përkulemi para veprës së dëshmorëve të kombit, gjaku i të cilëve është bërë dritë dhe sot e ndriçon rrugën e diturisë sonë, potencoi më tej rektori i UT-së, Vullnet Ameti.