Izraeli ka kryer sulm raketor ndaj pikave ushtarake në Siri

Izraeli ka kryer sulm raketor ndaj postblloqeve ushtarake në Siri, në afërsi të kryeqytetit Damask, kumtoi Observatori sirian për monitorimin e të drejtave të njeriut me seli në Britani të Madhe, transmeton Fena.

 

Është saktësuar se sulmi ka ndodhur në rrugën e cila çon deri në provincën Dara, por nuk është përmenduar shkalla e dëmit.

 

"Lokacioni është goditur me tre raketa, të cilat kanë bërë dëm material", citohet në raportin e Observatorit sirian.

 

Gjithashtu, është cituar, se "nuk është e njohur nëse anëtarët e Hezbollahut ishin në vendin e lokacioneve ose jo".

 

Një burim i forcave proqeveritare të Bashar al Asadit e ka mohuar raportin,  duke pohuar se mbrëmë nuk ka pasur goditje ushtarake izraelite në Siri, por përgjigje zyrtare ende nuk ka.

 

Televizioni i Hezbollahut libanez A-Manar, gjithashtu e ka mohuar raportin.

 

Izraeli më parë ishte akuzuar se ka kryer sulm raketor ndaj vendeve të caktuara në Siri, të cilat i përkasin ushtrisë siriane dhe Hezbollahut, aleatët e Asadit./mia