Gruevski: Më 5 Qershor në zgjedhje me apo pa LSDM

Një garanci të tillë ka marrë edhe nga lideri i BDI-së Ali Ahmeti se me 5 qershor vendi shkon në zgjedhje me ose pa LSDM-në.

“Vendimin për ditën e zgjedhjeve ishte në duart tona, por edhe përgjegjësia për shtetin. Komiteti Ekzekutiv solli vendim për zgjedhje më 5 qershor, jo për ti plotësuar dëshirën LSDM-së por për të mos u keqkuptuar dhe keqpërdorur nga ata që nuk ia duan të mirën Maqedonisë. Pas analizave dhe konstatimeve  me përfaqësuesit e BE se dhe ShBA-ve,  na bindën se nuk do të ketë prolongime të tjera, deri më 5 qershor nuk do të ketë më shkas për shtyrje të zgjedhjeve. Nuk do të ketë kushte të reja, përfshirë edhe ligjin për media, nuk do të ketë më vlerësime nga BE-ja dhe SHBA-ja për mbajtjen e zgjedhjeve. Morëm besimin e plotë të Ali Ahmetit se mbështesin 5 qershorin  si datë për zgjedhje me ose pa LSDM-në”.

Vetëm me daljen në zgjedhje fitohet legjitimiteti i popullit dhe në asnjë mënyrë tjetër. E dëgjova Zaevin i cili tha se asgjë nuk varet nga Nikolla Gruevski, që nënkupton se janë plotësuar të gjitha kushtet për mbajtjen e zgjedhjeve, andaj Zaev, merr guximin dhe të ballafaqohemi në zgjedhje. Deri më 5 qershor mund të thoni gjithçka, por më 5 qershor do të turpëroheni nga vetvetja, më 5 qershor do të pësoni fiasko”, deklaroi Nikolla Gruevski, kryetar i VMRO-DPMNE-së. (Merita Gashi, TVM2)