Nepal, zhduket avioni me 21 persona në bord

BBC shkruan se Avioni “Twn Otter”, që operohet nga Kompania “Tara Air”, po udhëtonte nga Pokhara për Jomsom dhe humbi kontaktet me kullën e kontrollit menjëherë pas ngritjes. Dy nga pasagjerët mendohet të jenë të huaj.

Zyrtarët thanë se në bordin e avionit ishin edhe dy fëmijë. Drejtori i përgjithshëm i Autoritetit të Aviacionit Civil në Nepal tha se ky ishte një avion i ri. Një helikopter është në kërkim, por moti i keq nuk favorizon kërkimet.