Basha: Të përjashtohet Rama nga kuvendi

Kërkesa është bërë nga demokratët për fyerjet e një dite më parë në parlament ndaj deputeteve të PD-së, Albina Deda dhe Arbiola Halimi. 

 

Të paktën deri të enjten demokratët nuk do të marrin pjesë në komisionet kuvendore, duke i lënë kohë mazhorancës të reflektojë mbi kërkesat për ndryshime në Ligjin për dekriminalizimin.

 

Nga ana e tij, kryeparlamentari, Ilir Meta, ka kërkuar më shumë përgjegjësi dhe etikë nga Partia Demokratike, duke e cilësuar tensionin e djeshëm në kuvend si artificial.

 

Një ditë më parë, seanca parlamentare u shoqërua me tensione të forta. Opozita bllokoi foltoren e kuvendit, pasi nuk u morën në konsideratë propozimet në kuadër të dekriminalizimit. Deputetët e PD-së kanë gjuajtur me vezë në drejtim të kryeministrit dhe ministrave të kabinetit.