Dimitriev vizitoi KShZ-në: Më siguruan se ka kushte për zgjedhje në qershor

Kryeministri teknik, Emil Dimitriev, pas takimit dy orësh në Komisionin Shtetëror Zgjedhor, deklaroi se KShZ-ja ka kohë të mjaftueshme për pastrimin e listës se zgjedhësve deri në afatin e paraparë për zgjedhje të parakohshme. 

 

“Anëtarët e KShZ-së më siguruan se afati shtesë që u fitua me zhvendosjen e datës së zgjedhjeve është i mjaftueshëm që të arrihet gjithçka që është detyrim i KShZ-së. Ne si qeveri edhe tani e ndajmë qëndrimin se afati optimal dhe real për mbajtjen e zgjedhjeve ishte 24 prilli dhe mund të arrihej gjithçka për organizimin e zgjedhjeve të drejta, megjithatë bëra thirrje që zhvendosja e afatit të zgjedhjeve të mos ndikojë që të presim afatin e fundit për përmbushjen e të gjithë detyrimeve”- deklaroi kryeministri teknik, Emil Dimitriev.

 

Dimitriev shprehu bindjen se institucionet do t’i plotësojnë të gjitha kushtet që zgjedhjet të mbahen më pesë qershor, madje ofroi mbështetje logjistike për KShZ-në që të mos humb kohë për furnizime publike për gjëra që mund t’ia ofrojë Qeveria. Sipas tij, KShZ, përveç nevojës për inxhinierë të teknologjisë informatike, është ekipuar.

 

Inxhinierët e teknologjisë informatike, të cilët i ka angazhuar KShZ, parashohin që kontrolli i të dhënave me kryqëzim do të zgjasë rreth 10 ditë dhe më pas do të vazhdojë kontrolli në terren, njoftoi kryeministri teknik, Emill Dimitriev.