Strategjia e zhvillimit të turizmit, shteti të investojë në pikat kyçe

Në këtë projekt janë përcaktuar pikat kyçe se ku duhet koncentruar shteti, por edhe sektori privat për tërheqjen e sa më shumë turistëve nga e gjithë bota.

 

“Dokumenti është përgatitur dhe ky dokument do të caktojë vizionin e ardhshëm të turizmit, atë se ku duhet shteti të koncentrohet për zhvillimin e turizmit dhe ku do të duhet sektori privat ose asociacionet private të punojnë më tepër për zhvillimin e turizmit me një qëllim të përbashkët për tërheqjen e sa më shumë turistëve, si dhe promovimin sa më cilësor të Maqedonisë”- deklaroi këshilltari, Shovket Hazari.

 

Koordinatori i këtij projekti, Kristofer Hintegerer, tha se turizmi ka përparuar vitet e fundit, por për një progres të vazhdueshëm tha se institucionet duhet të koordinohen mes vete, si dhe qeveria të investojë sa më shumë në sektorin e turizmit. 

 

“Për zhvillimin e turizmit është me rëndësi që edhe sektori publik edhe ai privat t’i kryejnë detyrat e veta, qeveria nga ana tjetër duhet të financojë dhe investojë në zhvillimin e turizmit dhe sigurisht është e duhur që të vendos strukturë organizative, me çka do t’i menaxhon aktivitetet turistike”- tha koordinatori i projektit, Kristofer Hintegerer.

 

Këtë draft-version e kanë punuar Ministria e Ekonomisë në bashkëpunim me shtëpinë konsultuese nga Austria.