Institucionet nuk bashkëpunojnë, specialja kërkon ndryshim të kodit penal

Disa institucione refuzojnë të bashkëpunojnë me Prokurorinë Speciale, përkatësisht nuk u përgjigjen kërkesave të sajë, prandaj Prokuroria Speciale, propozon ndryshimin e Kodit Penal dhe futjen e veprës së re penale – Pengim të drejtësisë. 

 

“Duke e pasur parasysh këtë gjendje dhe obstruksionet në punën e kësaj prokurorie, Prokuroria Speciale, propozon ndryshimin e Kodit Penal dhe futjen e veprës së re penale – pengim të drejtësisë, e cila do të jetë në krye të veprave penale kundër gjyqësorit”, thuhet në kumtesën e Prokurorisë Speciale. 

 

Si institucione që nuk bashkëpunojnë me prokurorinë speciale përmenden, “Agjencia e Kadastrës, Drejtoria për Siguri dhe Kundërzbulim, gjegjësisht departamenti për mbështetje tekniko-operative, Njësia për mbrojtjen e dëshmitarëve e MPB-së, Komuna e Manastirit, Ministri të caktuara, Gjykata Administrative, Prokuroria Publike e Shkupit dhe Prokuroria për ndjekje të Krimit të Organizuar dhe Korrupsionit”.

 

Nga Prokuroria Speciale poashtu njoftojnë se kanë filluar 15 procedura parahetimore, të cilat janë në lidhje me financimin e mediumeve, keqpërdorimin e procedurave për prokurim, larje parash, korrupsion, keqpërdorim të detyrës zyrtare, hetime financiare, keqpërdorim të procedurave për punë ndërtimore etj.