Finlandë: Radioaktivitet i shtuar në Helsinki

Autoritetet finlandeze po hulumtojnë kërcimin misterioz "shumë të pazakontë" të nivelit të koncentrimit të ceziumit radioaktiv - 137, të regjistruar mbi Helsinki.

 

Agjencia shtetërore finlandeze për siguri bërthamore, STUK kumtoi se radioaktiviteti i shtuar i javës së kaluar nuk ka qenë rrezik për shëndetin e njerëzve, por pa marrë parasysh atë, janë të vendosur ta zbulojnë shkaktarin.

 

"Ajo që është regjistruar është shumë e pazakontë, por nga perspektiva e sigurisë bërthamore ai nivel i ceziumit nuk le gjurmë në shëndetin e njeriut", thotë Tarja Ikaheimonen, e cila është shefe e sektorit për ndjekje të radiacionit në STUK.

 

Ajo thotë se më 3 dhe 4 mars ka pasur 4.000 mikrobekerelë izotop radioaktiv cezium-137 në metër kub ajër, që është njëmijë herë më shumë se sa koncentrimi i zakonshëm. Një ditë më vonë, më 5 mars, niveli i ceziumit u kthye në 12 mikrobekerelë në metër kub ajër./mia