Kryengritësit sulmuan disa pozita të armatës siriane në Hama

 

Janë diskutabile informacionet për epilogun e sulmit dhe për atë se kush saktësisht e ka kryer.

 

Qendra siriane për monitorim të të drejtave të njeriut kumtoi se sulmi ka qenë pa sukses dhe se së paku 20 sulmues, islamistë dhe luftëtar të huaj janë vrarë.

 

Komandanti i Divizionit verior, i cili vepron në kuadër të Ushtrisë së Lirë Siriane, Fares al Bajush, deklaroi se sulmi ka qenë pjesë e grupacioneve lokale si përgjigje për shkeljen e armëpushimit nga ana e regjimit të Bashar al Asadit dhe se dy pozicione të ushtrisë janë marrë nën kontroll.

 

Televizioni shtetëror sirian lajmëroi se sulmi është kryer nga Fronti Al Nusra, i cili është i lidhur me Al Kaedën dhe i cili është larguar nga marrëveshja për armëpushim. Sipas televizionit, sulmi është penguar dhe 70 luftëtarë janë vrarë./mia