Bregu i Fildishtë - Sulm i përgjakshëm në një plazh, të paktën 15 viktima mes tyre një fëmijë 5 vjeçar

 

Foto të tmerrshme janë shpërndarë ku shihen trupa të vrarë të shtrirë në rërë. Të paktën 4 sulmues të armatosur thuhet se kanë hapur zjarr me armë automatike në ambientet e jashtme të plazhit. Një turist evropian dhe një shoku i tij u plagosën rëndë gjatë sulmit.

 

Qeveria vendase tha se 11 persona janë konfirmuar të vdekur, duke përfshirë edhe një fëmijë të vogël, por numri mendohet të jetë më i lartë. Britanikja “The Sun” shkruan se numri i viktimave është 15.

 

Pesë prej viktimave janë vendase, ndërsa 5 gra të tjera kanë humbur jetën, kombësia e të cilave nuk dihet ende.

 

Midis viktimave në Bregun e Fildishtë, katër janë evropianë.

 

Ndërkohë, zëdhënësi i Departamentit amerikan të Shtetit, Grand Bassam deklaroi se nuk kishte informacione që midis viktimave apo të plagosurve të kishte amerikanë.

 

Një dëshmitar tha për AFP, se sulmuesit kanë qenë “të armatosur rëndë dhe të veshur me kapuç” .

 

Ata qëlluan mbi të pranishmit në hotel L’Etoile du Sud, një hotel i madh me vizitorë të shumtë.

 

Grand Bassam, ndodhet në lindje të qytetit kryesor të vendit Abixhan, mjaft i preferuar për shumë turistë.

 

Bregu i Fildishtë po kalon disa vite në qetësi pas një konflikti të armatosur mes veriut dhe jugut të vendit, konflikt i shpërthyer në vitin 2002./Ora News