Ministri britanik për Evropën për vizitë në Maqedoni

Gjatë vizitës, ministri Lidington do të ketë takime me zëvendëskryetarin e Qeverisë të obliguar për integrime evropiane, Fatmir Besimi, ministrin e Punëve të Jashtme Nikolla Poposki, me liderët e partive politike të VMRO-DPMNE-së, të LSDM-së, BDI-së dhe PDSH-së, dhe me personat e obliguar për çështje të lidhura me krizën e emigrimit, kumtoi Ambasada Britanike në Shkup.

Lidington sot do të marrë pjesë në forumin e shoqërisë civile në BE Infoqendrën në Shkup. Në këtë forum do të marrin pjesë përfaqësues të organizatave joqeveritare, akademikë, aktivistë dhe persona me ndikim nga onlajn bashkësia. (mia.mk)