San Antonio triumfon ndaj Clippers, tjetër humbje për Lakers

Ky është suksesi i 57-të sezonal për Spurs, ndeshje ku u dallua Leonard me 20 pikë, më i miri në fushë për teksanët. Në krahun tjetër, nuk mjaftuan 22 pikët e Paul për të evituar humbjen e 14-të në kampionat. 

 

Humbet edhe skuadra tjetër e Los Anxhelosit, ajo e Lakers, që u mund 106-98 nga Sacramento, ndeshje e komanduar nga miqtë. Cousins e Collison me nga 22 pikë e Gay me 20 pikë ishin “tri muskëtierët” e skuadrës së Sacramentos në këtë triumf. 

 

Jashtë fushe fiton edhe Toronto, 107-89 ndaj Milwaukee, sfidë ku u dallua Lowry me 25 pikë e 11 asist, duke i dhuruar skuadrës së tij suksesin e 45-të sezonal. 

 

Indiana vuan por në fund mposht 103-98 Boston, në një ndeshje me rivalitet deri në fund. George realizoi 25 pikë, më i miri në fushë, duke i bërë të pavlefshme 21 pikët e Thomas për miqtë.

 

Fiton edhe Orlando, 116-110 ndaj Denver, një mbrëmje e mirë për Fournier, që realizoi 30 pikë, mbështetur edhe nga Smith me 25.

 

Rikthehet te suksesin Brooklyn, që mundi thellë 131-114 Philadelphia, falë 44 pikëve të Bogdanovic.