Mirjam Puchner më e mira! Vonn, fituese e ‘Globit të Vogël të Kristaltë’

Skiatorja amerikane, Lindsey Vonn, para pak kohe ka përmbyllur edicionin për shkak të një lëndimit, megjithatë është fituese e ‘Globit të Vogël të Kristaltë’ në lëshim, trofe i teti në karrierën e saj në këtë disiplinë.

 

Ajo kishte tubuar më së shumti pikë në të gjitha garat e kësaj disipline, gjithsej 580, duke lënë pas zviceranen Fabienne Suter me 463 pikë. Në garën që u zhvillua në Qendrën e Skive në St. Moritz të Zvicrës, austriakja Mirjam Puchner ngadhënjeu në disiplinën e lëshimit.

 

Ajo pati kohën për 1:40.93 minuta dhe pas saj mbeten Fabienne Suter me 13 qindtat e kohës më të dobët dhe italiania Elena Curtoni me 17 qindtat.  

 

Në renditjen e përgjithshme të Kupës së Botës, zvicerania Lara Gut, është e para me 1.382 pikë. Ajo qysh javën që shkoi e ka siguruar titullin e botës dhe të parin në karrierën e saj.

 

Në vend të dytë është Vonn me 1.235 si dhe e treta, Viktoria Rebensburg nga Gjermania me 1.007 pikë.