Personat me aftësi të kufizuara, perfektë për t’u punësuar në sektorin informatik

Në Javën evropiane të përfshirjes digjitale, Shoqata “Hapni dritaret” dhe MASI ftuan sektorin TI të mendojë më shumë për punësimin e këtyre personave. 

 

“Në Maqedoni, personat me pengesa në zhvillim zakonisht punësohen në vende pune të izoluara, që nuk ndihmojnë në zhvillimin e tyre social. Edhe pse në kohët e fundit ka përparim të ndjeshëm, ne propozojmë masën e punësimit praktik, si mjet real për zhvillimin e kapaciteteve dhe punësimin e tyre në vende reale pune, sidomos në sektorin e teknologjive informative”- deklaroi drejtoresha në MASI, Anita Nikova.

 

Nga Ministria e Informatikës theksuan se këta persona nuk duhet të diskriminohen dhe ata që i diskriminojnë duhet të dënohen. 

 

“Personat me aftësi të kufizuara nuk duhet që të diskriminohen në asnjë rast. Janë persona që kanë nevojë për ndihmë dhe mbështetje”- tha ministrja e Informatikës, Marta Tomovska-Arsovska.

 

Sipas Agjencisë  për Punësim në Maqedoni, numri i personave me aftësi të kufizuara që kanë një vend pune është rreth 3860, por ata nuk evidentohen si persona me pengesa, por si gjithë të tjerët.