Ndahet nga jeta Frank Sinatra Jr.

Lajmi i hidhur është bërë i ditur nga menaxheri i tij, Andrea Kauffman.

 

Ai tha se Sinatra ndërroi jetë në një spital, në Daytona Beach, Florida, ku do të mbante një koncert. Nancy Sinatra shkroi në profilin e saj të “Facebook”-ut pak më vonë se vëllai i saj ndërroi jetë pas një ataku kardiak. 

 

Frank Sinatra Jr ndoqi rrugën e të atit në muzikë, ndërsa më vonë u bë edhe dirigjent. Ai u rrëmbye nga anëtarë të një bande kur ai ishte 19 vjeç në një kazino në Lake Tahoe. Babai i tij, Frank Sinatra, pagoi 240,000 dollarë për lirimin e djalit të tij, por shuma e parave iu kthye pas arrestimit të autorëve./Top Channel