Sulmet terroriste në Bruksel, ngushëllimet e Shqipërisë dhe Kosovës

Kryeministri, Edi Rama, shkruan në profilin e tij në Twiter se “Bombat që mbjellin vdekje për të pafajshmit në zemrën e Evropës do ta ringrenë Evropën për ta fituar në emër të lirisë këtë luftë të re!”.

 

Edhe kreu i Kuvendit të Shqipërisë, Ilir Meta, shprehu ngushëllimet për këtë ngjarje, duke u shprehur se këto akte nuk duhet të na frikësojnë. 

 

Ndërsa kryetari i Partisë Demokratike, Lulzim Basha, tha se aktet terroriste janë dëshmi e urrejtjes së verbër e të pafe që e ushqejnë dhe e motivojnë terrorin.

 

Edhe autoritetet kosovare i kanë dënuar sulmet terroriste të ndodhura sot në zemër të Evropës. Presidenti i zgjedhur, Hashim Thaçi, shprehet se terrori dhe frika nuk do të gjejnë vend në zemrën e Evropës.

 

“Kjo vetëm sa do të na bëjë të gjithëve edhe më të vendosur në luftimin e ekstremizmit dhe të terrorizmit”, shkruan Thaçi në Facebook.