Seanca për “Grupin e Kumanovës”, dëshmojnë dëshmitarët e mbrojtur

Nga Gjykata Penale thonë se nuk mund të japin vlerësim se me çfarë tempo do të zhvillohet dëgjimi i dëshmitarëve të mbrojtur e as sa dëshmitarë të mbrojtur janë gjithsej.

 

Kjo është seanca e tetë për ndodhitë e vitit të kaluar në Kumanovë. Në seancat e kaluara u bë vlerësimi i aktakuzës, u thanë fjalët hyrëse të Prokurorisë për krim të organizuar dhe korrupsion, fjalët hyrëse të 29 të akuzuarve dhe avokatëve, si dhe u dëgjuan 10 dëshmitarë të propozuar nga Prokuroria.  

 

Në rastin e “Lagjes së Trimave” janë akuzuar gjithsej 29 persona për terrorizëm dhe organizim terrorist për ngjarjet më 8 dhe 9 maj në Kumanovë.

 

Të pandehurit akuzohen për vepër penale "organizim terrorist" në bazë të nenit 394–A dhe "terrorizëm" nga neni 394-B nga Kodi Penal.

 

Gjatë të shtënave jetën e humbën tetë policë nga Njësitë speciale të MPB-së, dhjetë persona nga grupi i armatosur dhe mbi dyzet u lënduan rëndë.