Propozim për vazhdim të afatit për gjendjen e krizës në kufirin jugor dhe verior

Komisioni kuvendor për mbrojtje dhe siguri sot duhet të vendosë për propozimin për vazhdim të gjendjes së krizës në rajonin e kufirit jugor dhe verior të Maqedonisë për shkak të krizës migruese deri më 31 dhjetor të këtij viti.

Propozim-vendimi për ndryshime të vendimit për miratim vazhdon në afatin për ekzistim të gjendjes së krizave për shkak të fluksit të rritur në hyrje dhe transitimi i migrantëve nëpër territorin e Republikës së Maqedonisë. Qeveria e dorëzoi në bazë të propozimit të Komitetit drejtues për koordinim dhe menaxhim në sistemin për menaxhim me krizat.

Qëllimi është të sigurohet vazhdimësi në kryerjen e aktiviteteve nga ana e forcave të ARM-së dhe forcat e sigurisë të MPB-së, në funksion të sigurimit, mbrojtjes dhe ruajtjes së kufirit shtetëror. Është përgatitur raporti për vlerësimin e bërë dhe analizën gjithpërfshirëse me arsyetimin për vazhdim  të kohëzgjatjes  së gjendjes së krizës dhe raporti të bërë si material mbështetës ndaj propozim-vendimit.

Vendimi i parë i Qeverisë së Maqedonisë për ekzistimin e gjendjes së krizave për shkak të fluksit të rritur në hyrje dhe transimit të migrantëve nëpër territorin e Maqedonisë ishte sjellë në gusht të vitit të kaluar, me vlerë prej 30 ditësh, pas së cilës ka vijuar vazhdimi i afatit.