Luiz Adriano-Carlos Bacca sulmi i Milanit

Braziliani u transferua me shumë bujë tek skuadra e Milanit, por forma e tij jo e mirë bëri që lojtari të qëndronte në stol.

 

Gjatë merkatos së Janarit, në dyert e kuqzinjve mbërriti një ofertë nga ekipi Kinez Jiangsu Suning për sulmuesin.

 

15 milionë Euro do të shkonin në arkat e klubit, ndërsa sulmuesi do të përfitontë 8 milionë Euro në sezon.

 

Kur gjitchka dukej se ishte pranë zyrtarizmit, skuadra Kineze devijoi nga marrëveshja për të cilën palët kishin rënë dakort dhe kështu që brazilianit nuk i ngeli gjë tjetër vecse të rikthehej në Milanelo.

 

10 ditë pas rikthimit të tij në Itali, 28-vjecari u aktivizua në ndeshjen kundër Alesandrias, takim i vlefshëm për gjysmëfinalet e Kupës së italisë.

 

Më pas erdhi dhe ndeshja ndaj Lazios që  nxorri në pah lojën e dyshes Bacca-Luiz Adriano dhe sipas mediave, ky cift në repartin e avancuar është ilaci më i mirë për sulmin e kuqzinjve.

 

Ata kuptohen mirë me njëri-tjetrin. Braziliani tenton të luftojë më mbrojtësit për t’i hapur rrugë partnerit të tij Bacca dhe një strategji e tillë u pa dhe në takimin ndaj Lazios, ku Luiz Adriano dha asisitin për golin e barazimit.

 

Trajnerit të Milanit, Sinisa Mihajlovic nuk i ngelet gjë tjetër vecse të shpresojë se dyshja Carlos Bacca dhe Luiz Adriano të jetë në lartësinë e duhur në cdo takim, në mënyrë që goli të jetë një mision më i thjeshtë për kuqezinjtë.