Serbi, arrestohet Dragan Daravellski

Edhe një arrestim i një të shumëkërkuari. Në Serbi mëngjesin e sotëm është arrestuar ish-drejtori i Drejtorisë së Doganave, Dragan Daravellski, për të cilin ishte shpallur fletëarrest nga ana a autoriteteve të Maqedonisë. 

 

Arrestimi është bërë në bazë të fletëarrestit, i cili është lëshuar para disa viteve, por autoritetet në Beograd deri më tani nuk e kanë realizuar. 

 

Daravellski është dënuar në Maqedoni me aktvendim fuqiplotë nga gjykata se derisa ka qenë drejtor i Drejtorisë së Doganave e ka keqpërdorur pozitën zyrtare dhe ka kryer malverzime financiare, me të cilat e ka dëmtuar buxhetin. 

 

Para disa viteve, Daravellski kaloi një kohë të caktuar në burgun ekstradues në Beograd, por ndërkohë u bë shtetas i Serbisë dhe nuk ishte dërguar në Maqedoni.