Ademi në Stamboll, merr pjesë në samitin global për arsim

Samitin e hapi Kryetari i Turqisë Rexhep Taip Erdogan. Ndërsa  ministri i Arsimit Abdulkaqim Ademi në fjalimin e tij theksoi se është i domosdoshëm që arsimi vazhdimisht të modernizohet dhe të reformohet.

Që të jemi në hap me zhvillimin e mendimit shkencor, vazhdimisht punojmë në modernizimin e arsimit edhe atë në të gjitha fushat, në arsimin fillor, të mesëm dhe arsimin e lartë. Reformat në sistemin arsimor në Maqedoni u përgjigjen nevojave të tregut të punës, sepse sikur se çdo vend  edhe ne kemi nevojë për arsim dhe kuadër profesional”  theksoi Ademi .

Ai njëherit vur në dukje se në përgadidtje e sipër është Strategjia e re  për periudhën 2016-2020. Sa i përket arsimit fillor, Ademi theksoi se nxënësit e shkollave fillore mësojnë sipas programit të Kembrixhit.  Arsimi i mesëm është i obligueshëm, ndërsa dy projektet kapitale të cilat janë të dedikuara për studentët janë “Programi  për pajisjen e laboratorëve të insitucioneve të larta arsimore dhe institucioneve shkencore publike” dhe  “Përkthimi i  1000 titujve dhe librave  profesional  shkencor me të cilat mësohet në universitetet më të mira dhe më me renome në SHBA, ndërsa nga lëmia e drejtësisë në Francë dhe Gjermani”.