Anglia përmbys dhe fiton Gjermaninë

Anglezët kanë thënë gjithmonë që futbolli zgjat 90 minuta dhe në fund fiton Gjermania, por këtë herë në Berlin fitoren e mori Anglia, pikërisht duke zbatuar shprehjen e tyre të famshme mbi gjermanët, me Dier që me golin e minutës së 91-të, vulosi një sukses spektakolar të Anglisë në “Olimpiastadion”. Sfida ishte spektakolare, e denjë për dy emra të mëdhenj dhe pse goli vonoi disi në fakt, pasi erdhi vetëm në minutën e 43-të me Toni Kroos.

Fillimi i pjesës së dytë u duk sikur i dha më shumë besim Gjermanisë, që shënoi dhe të dytin me anë të Mario Gomezit, të cilit në pjesën e parë i ishte anulluar dhe një gol. Gjermania ka qenë gjithmonë skuadra që nuk dorëzohej kurrë, por këtë herë këtë rol e bëri Anglia, që në të 61-tën shkurtoi diferencën me sulmuesin e Tottenham, Kane.

Gjithsesi perlën e mbrëmjes e dhuroi sulmuesi i momentit në Angli, Jamie Vardy, që me një goditje me takë mposhti në mënyrë spektakolare Manuel Neuer. Anglia që në pjesën e dytë dhuroi një futboll të jashtëzakonshëm, në të 91-tën befasoi Gjermanië me një gol me kokë të Dier, që realizoi një përmbysje të madhe për kombëtaren e “Tre Luanëve”, që treguan se në Europian mund të jetë një prej favoriteve ndërsa Gjermania, ashtu si dhe në eliminatore vazhdon të shfaqë shumë luhatje në lojën e saj.