SHBA: Policia e akuzoi menaxherin e fushatës së Donald Trumpit
Policia në Floridë të Shteteve të Bashkuara e ka akuzuar Corey Lewandowski, menaxherin e fushatës së kandidatit presidencial republikan, Donald Trump, për sjellje të dhunshme lidhur me një incident që ka ndodhur më herët këtë muaj ku ishte e involvuar një reportere....
Policia në vendbanimin Jupiter në Floridë i ka dërguar sot shkresë Lewandowskit, që të paraqitet para gjyqtarit më 4 maj për këtë vepër kundërvajtëse.
Në një video të publikuar nga policia, shihet Lewandowski duke e kapur fuqishëm një reportere, e cila përpiqej ta pyeste zotin Trump gjatë një fushate më 8 mars.
Sipas kësaj akuze ai mund të dënohet me një vit burg, raporton agjencia AP.
Fushata e zotit Trump nëpërmjet një kumtese të sotmetha se Lewandowski “është absolutisht i pafajshëm lidhur me këtë akuzë” dhe se “ai është krejtësisht i sigurt se do të lirohet” nga ajo. (REL)