Ndihmësi i Trump-it akuzohet për sulm fizik

Autoritetet amerikane bëjnë me dije se Levandovski është paditur me nivelin më të ulët të sulmit fizik ndaj reporteres Mishele Felds.

Ai akuzohet se e kapi gazetaren me forcë për krahu dhe e lëndoi, ndërsa ajo tentonte të bënte një pyetje.

Zyrtarë të fushatës së Trump thanë se Lewandowski do të vetëdeklarohet i pafajshëm në gjyq, ndërsa atij nuk i ka munguar mbështetja e Donald Trump.

Trump kryeson garën republikane me 739 delegatë ndaj 465 të Cruz. Për të marrë emërimin e partisë për kandidaturën presidenciale duhen 1237 delegatë.