Sulmi në Pakistan, mijëra në pyetje, qindra në pranga

Autoritetet e provincës Punxhab thanë se të arrestuarit ishin mes më shumë se 5 mijë njerëzve që u morën në pyetje si pjesë e një ofensive anti-terror.

 

Në këto operacione janë sekuestruar gjithashtu sasi të mëdha armësh. Sulmi ndaj të krishterëve për Pashkë u mor përsipër nga grupi Jamaat ul Ahrar, një degë e talebanëve në Pakistan, megjithëse shumica e viktimave ishin myslimanë.

 

Autoritetet pakistaneze thanë se janë kryer 56 operacione në të gjithë provincën e Punxhabit, por këto veprime duken tejet të vonuara.

 

Kryeministri pakistanez dhe shefi i ushtrisë janë zotuar se do t’i nxjerrin para drejtësisë fajtorët, por deklaratat e tyre hyjnë në një varg të gjatë premtimesh të tilla që nuk janë mbajtur më parë.